विकली आउटलूक : गुंतवणुकदारांमध्ये अस्थिरता

विकली आउटलूक : गुंतवणुकदारांमध्ये अस्थिरता
मुंबई (23 फेब्रुवारी)  :
आगामी आठवड्यात भारतीय शेअर मार्केटमध्ये अस्थिरतेची लक्षणे अधिक दिसून येतील. करोना व्हायरसशी संबंधीत घडामोडींकडे गुंतवणुकदारांचे अधिक लक्ष लागले असल्याचे एक्स्पर्ट्सचे म्हणणे आहे.  टेक्निकली निफ्टी 12,000च्या लेव्हलला आठवडाभर थांबले आहे. बेअरिश कँडल फॉर्म झाली असून इंडेक्स रेड कँडलमध्ये बंद झाला. आगामी आठवड्यात 11,900 ते 12,200 अशीच रेंज असेल. फ्युचर आणि ऑप्शनमध्येही अशीच स्थिती राहील. 
फेब्रुवारीच्या तिसऱ्या आठवड्यातही मार्केटमध्ये प्लस आणि मायनसचा खेळ सुरू राहिला होता. करोना व्हायरसचे पडसाद जागतिक स्तरावर उमटले तर मूडी या प्रख्यात मानांकन संस्थेने भारताचा या आर्थिक वर्षातील जीडीपी 5.4 टक्क्यांवर असेल असे जाहीर केले. परिणामी बीएसई सेन्सेक्स 0.21 टक्क्यांनी घसरून 41,170.12 तर निफ्टी 50 मध्ये सुमारे 27 टक्के घसरण होऊन तो 12,080.85वर क्लोज झाला. बीएसई मीडकॅप इंडेक्स  0.21 टक्क्यांनी वाढला. तर स्मॉलकॅपमध्ये 0.44 टक्क्यांची वाढ दिसून आली आहे. या आठवड्यातील अगदी अटीतटीच्या वातावरणामुळे गुंतवणूकदारांनी प्रॉफिट बुकिंगवर भर दिल्याचे दिसले. याशिवाय करोना व्हायरसची भीती सतावत होती. आता महिन्याच्या अखेरच्या सत्रात डेरीव्हेटीवची एक्स्पायरी आहे. तर गुंतवणूकदार करोना व्हायरसमुळे अद्याप साशंक आहेत. गेल्या दोन आठवड्यात इंडेक्सची मुव्हमेंट जादा अप-डाउन दिसून आली आहे. अर्थव्यवस्थेच्या वाढीचा वेग आताही परिणामकारक ठरेल असे तज्ज्ञांचे मत आहे. जागतिक घडामोडींवर गुंतवणूकदार लक्ष ठेवून राहतील. 
करोना व्हायरसमुळे झालेल्या मृत्यूंची संख्या घटत आली असली तरी युरोपियन आणि अमेरिकन मार्केटमध्ये विक्रीचा दबाव आहे असे दिसून आले आहे. चीनच्या म्हणण्यानुसार सुमारे अडीच हजार जणांचा मृत्यू तर पाऊण लाख लोकांना व्हायरसची लागण झाली आहे. साउथ कोरीया, जपान, सिंगापूर या ठिकाणीही लागण दिसून आली आहे. इराणमध्येही करोना व्हायरसच्या केस वाढल्या आहेत. त्यामुळे गुंतवणूकदार सजग आहेत. आगामी आठवड्यात एसबीआय कार्ड्सचा आयपीओ दोन मार्च रोजी खुला होत आहे. त्याच्या किमतीविषयीत अद्याप गुप्तता राखली गेली असली तरी गुंतवणूकदार उत्साही असतील. 10,350 कोटी करुपयांच्या या आयपीओला चांगला प्रतिसाद मिळण्याची अपेक्षा आहे. आठवडाभरात रुपया अमेरिकन डॉलरच्या तुलनेत 71.66वर पोहोचला,. फॉरेन इन्स्टिट्यूशनल इन्व्हेस्टर्सकडूनही गुंतवणूकीत वाढ होईल अशी अपेक्षा आहे. 
भारतीय मार्केटमध्ये पाहिले तर अमेरिकेचे राष्ट्राध्यक्ष सोमवार आणि मंगळवार अशा दोन दिवसांच्या भारत दौऱ्यावर आहेत. ट्रम्प यांच्या या दौऱ्यात महत्त्वाच्या व्यापार कराराबाबतच्या हालचाली अंतिम टप्प्यात येऊ शकतात. त्यावर स्वाक्षरी होणार नसली तरी यातील काही मुद्यांवर चर्चा होऊ शकते. त्यावर दोन्ही देशांची धोरणे अवलंबून आहेत. 
देशाचा जीडीपी सहा वर्षातील निचांकी स्तरावर, साडेचार टक्क्यांवर पोहोचला असल्याचे डिसेंबर अखेरच्या निकालांवरून दिसून आले आहे. डिसेंबरपर्यंत संपलेल्या तिमाहीत अर्थव्यवस्थेची गती अतिशय मंद झाल्याचे दिसून आले आहे. एक्स्पोर्टमध्ये मोठी घसरण झाली असून उद्योगांतील गुंतवणूक, मंदीमुळे कंपन्यांनी कमी केलेले उत्पादन अशी साखळी समोर आली आहे. मात्र चौथ्या तिमाहीत यात सुधारणा होईल असे तज्ज्ञांना वाटते. तथापि चीनमधील करोना व्हायरसमुळे त्या देशाशी सुरु असलेला एक्स्पोर्ट, इंम्पोर्ट बंद झाला आहे. कच्च्या तेलाच्या किमती आणि सोन्याकडे गुंतवणूकदारांनी आपल्या पैशांचा ओघ वळवल्याचे दिसून येत आहे. अनेक दिवस 54-55 डॉलर असलेले कच्चे तेल 59 वर पोहोचले आहे. आता ते 58.50 डॉलरवर स्थिरावले आहे. तर सोन्याचे दर विक्रमी वेगाने वाढत आहेत.

News-In-Focus