टॅक्स स्लॅब नवा की जुना  : 1 एप्रिलपूर्वी करा निश्‍चित 

टॅक्स स्लॅब नवा की जुना  : 1 एप्रिलपूर्वी करा निश्‍चित 

र तुम्ही नोकरदार असाल तर एचआर विभागाकडून तुम्हाला निश्‍चितच करपद्धती नवी की जुनी निवडणार याबद्दलचा अर्ज मिळालाच असेल. आर्थिक वर्षाच्या समाप्तीपूर्वी म्हणजेच 1 एप्रिलपर्यंत आयकराच्या कलम 115 बीएसनुसार करदात्यांना टीडीएस कपातीशी संबंधित पर्यायांची निवड करावी लागणार आहे. 2020-21 मध्ये कर आकारणी जुनी की नवी याची निवड करण्याचा पर्याय आहे. जुन्या पद्धतीनुसार आयकर कलम 80, 80 डी, एचआरसह अनेक पर्यायांत सूट मिळते. 

नव्या व्यवस्थेत सूट मिळत नाही. यात फक्त 80 सीसीडी (2) मध्ये सवलत आहे. मात्र, नव्या कर आकारणीत कमी टक्क्यांची आकारणी आहे. टॅक्स स्लॅबमधील जुन्या आणि नव्या व्यवस्थेत 2.5 लाखांपर्यंत शून्य टक्के कर आहे. तसेच 2.5 लाखांपासून 5 लाखांपर्यंत 5 टक्के कर आकारणी आहे. 5 ते 7.5 लाखांपर्यंत जुन्या व्यवस्थेत 20 टक्के कर नव्या व्यवस्थेत 10 टक्के कर लागू आहे.  7.5 लाख ते 10 लाखांपर्यंत जुन्या व्यवस्थेत 20 टक्के आणि नव्या व्यवस्थेत 15 टक्के कर आकारणी होते. जुन्या व नव्या व्यवस्थेत 10 लाखांपासून साडेबारा लाखांपर्यंत अनुक्रमे 30 आणि 20 टक्के कर आकारणी होते. 12 ते 15 लाखांपर्यंतच्या स्लॅबमध्ये अनुक्रमे 20 आणि 25 टक्के कर लागू आहे. तर 15 लाखांपेक्षा जादा उत्पन्नावर दोन्ही प्रकारांत 30 टक्के कर लागू करण्यात आला आहे. 

नोकरदार, निवृत्तीवेतनधारक असलेली कोणतीही व्यक्ती की जी व्यवसायातून कोणतेही उत्पन्न मिळवत नाही, त्यांना दरवर्षी नवी की जुनी करप्रणाली याची निवड करता येते. जर व्यवसाय हा कमाईचा मार्ग असेल तर नवी कर आकारणी निवडल्यानंतर फक्त एकदाच जुन्या करप्रणालीमध्ये परतता येते. ज्यांचे उत्पन्न पाच लाखांपेक्षा कमी आहे, त्यांना कसलाच कर लागू नाही. नव्या टॅक्स स्लॅबमध्ये ज्येठ नागरिकांना जादा सूट नाही. जर 2.5 लाखांपेक्षा जादा क्‍लेम असेल तर जुनी करप्रणाली योग्य आहे असे तज्ज्ञांचे म्हणणे आहे. नव्या रचनेबाबत आपण कर सल्लागाराशी बोलूनच निर्णय घेतला तर ते योग्य ठरेल. 

News-In-Focus